فطورنا .. 10 رمضان .. قولوا ماشاء الله..

اللهم صلي وسلم على سيدنا محمد وآله وصحبه وسلم
لا حول ولا قوة الا بالله ...
الله أكبر .. ما شاء الله
لا اله الا الله
اللهم ادم لنا هذه النعمه وارزقنا خيراً .. واجعلنا من عتقاء النار في هذا الشهر .. انك على كل شيء قدير



" تمنياتي لكن اخواتي الحبيبات بصيام مقبول وإفطار شهي ... وأيام مباركه ان شاء الله علينا وعليكم وعلى جميع المسلمين ...

اذكرو الله وصلوا على محمد
وقولوا ما شاء الله تبارك الله
اللهم احفظ هذه النعمه من الزوال ...





ونبدأ فطورنا كما كان النبي عليه وعلى آله وصحبه افصل الصلاة والتسليم بالتمر ..


وهذا احد الأطباق الرئيسيه .. الرز الأبيض .. وطريقته معروفه عند الكل


والهريسه ماصورتها اليوم
لأني مستعجله وما امداني نسيتها
ولكن ولا يهمكم ... هذه طريقتها ..
انقعي 1كوب وثلاث ارباع حب هريس سعودي لمدة ليلة كاملة واطبخيه بمائوه وزيدي عليه ماء مغلي الى نص القدر ...
اضيفي له لحم خاص للهريس (يكون على شكل طويل يؤخذ من فخذ الذبيحه)
أقل من نص كيلو .. واتركيه يطبخ ..
إلى ان يصبح الماء كانه حليب .. صغري عليه حيييل على أصغر شي ...
واتركيه لمدة 4 الى 5 ساعات ..حطي عليه طماطم مقطعه (حبه واحده)
وملح واتركيه ساعة اخرى ...
اضربيه بالمضرب الخاص بالهريس ... واغرفيه في صحون وادهنيه بالزبدة المذوبة ...

وهذا اللقيمات ...ولا أحسن مطعم
كل اللي يشوفوني أسويه يستغربون لأننا نحبه .. لأنهم يشترونه جاهز من المحلات ويقولون مب حلو كريه ..
بس انا اقولكم .. جربو طريقتي .. ورح تسوونه كل يوم


طريقته ومقاديره ...
اخلطي ملعقه صغيرة خميرة فوريه في ربع كوب ماء دافئ
اضيفي صفار بيضه واحده .... ذرة ملح .. ملعقة قشطه ..ربع كوب لبن
اضيفي كوبان ونصف طحين وحركي..
اضيفي ماء بالتدريج واعجني باليد .. لا تكثرين ماء واخلطيه عدل ..
واضربي العجين بيديك الى ان تحصلي على عجينه شبه سائله ...(انتبهي شبه سائله)
اتركيها مدة 45 دقيقه في مكان دافئ ..اعمليها على شكل كرات دوائر بيدك
واقليها في زيت غزير على نار متوسطه .. قديمه مزين بالعسل أو الدبس
...
وهذه صدور الدجاج المحشيه ..
بنتي تقول لي .. يا ماما اذا كلتهم أحس اني أسبح في بحر من حلاتهم ما ودي يخلصون:ss:




وطريقتهم ...
نقعي صدور دجاج في ليمون وملح وثوم مدقوق...
بعد كم ساعه افرديهم واحشيهم بـ جبن فيلادلفيا + جبن كيري مكعبات + ثوم مدقوق + زبده + مبشور ليمونه + عصير ليمون + زعتر
(كمية الحشو قليلة جداً ..)
حطي على كل صدر ما يعادل حجم الاصبع او أقل ولفيه بحرص واغلقيه بأعواد الأسنان الخشبيه ..
واغمسيه في بيض وبقسماط واتركيه في الثلاجه ساعتين ..
وأشويه في الفرن ...

وهذه الجبه ..حطيتها في السفرة رقم 2 ..
كلنا نحبها واليوم اللي اسويها كلهم يفرحون ...


وطريقتها ...
عيش مطحون ناعم (رز)
لحم مفروم .. بصل كثير مفروم ناعم
قليفلة مفرومه ناعمه ... طماط كثير مقطع صغير جداً .. دقيق بر
صلصة طماطم .. صفار بيض .. زبده .. مسمار مطحون ( قرنفل )
لومي أسود ومطحون ... جوزة الطيب مطحونه ..بهار مشكل...
نخلطهم باليدين جميعاً وكأننا نعجنهم ... الى ان يتجانسون عدل ..
نشكلهم كور ..
نحمص بصل ناعم قليل وفليفة وطماطم مبشورة وصلصة طماطم
وبهار وملح ونسبكهم عدل ...
نصب ماء مغلي حوالي ربع الجدر وهو يغلي ..
نسقط كور اللحم ونخليهم يطبخون الى ان ينشف الماء ...

رولات الفلافل + لفائف جبن زعتر ..
كل من ذاقه اخذ مني طريقته .. ويشهدون له
وحده اتصلت علي وانا في المطبخ في عز رمضان .. وقالت لي مابسكر منج الا لمن تعلميني شلون سويتيه
وقعدت اكلمها وانا اطبخ وعلمتها


طريقة رولات الفلافل ..
افردي شرايح البريد ( التوست) بالنشابه ..
وادهني كل شريحه بالطحينية المخففة بالزبادي ..وحطي على كل شريحه فلافل مفرومه ولفيها
زينيها من الأطراف .. طحينيه وبقدونس مفروم ..

طريقة لفائف جبن زعتر ...
افردي شريحة ( سويتز أو لوزين) ...
حطي عليها خليط جبن كيري وجبن أبيض هنغاري ...
وادهني الأطراف بماء عشان تلصقينهم وأطوي الشريحه ...
اغمسيهم في بيض وزعتر وأقليهم ..
وهذا الهمبرجر باللحم...
عيالي الصغار يتركون كل الأكل وياكلون الهمبرجر اذا سويته
يقولون لي : يا يمه يخسي أحسن مطعم ويخسي ماكدونالدز وبرجر كينج


وطريقته ..
اخلطي لحم مفروم .. كاتشب .. ماسترد ( خل) ..صفار بيض .. بقسماط .. ملح وفلفل أسود .. ثوم مدقوق
سويهم أقراص .. حطيهم في الفرن
وطبعاً كل وحده تعرف الباقي ..
تحطينهم مع سلطة أو بدون
انا احط شي فيه سلطه و كاتشب .. وشي بس كاتشب .. وشي بس مايونيز .. يعني كل واحد حسب رغيته
على قولة المثل .. لولا اختلاف الأذواق لبارت السلع ههههههههه

وهذه مرقة القيمه ...اللي سبق وحطيتها في سفرة رقم 1
عيالي ما ياكلون خضروات ولا مرق ومعذبيني .. يلقطون كل شي وكل الخضروات ويخلون ماي المرقة بسس
بس اذا سويت لهم القيمه .. يقولون ودنا كل يوم تسوينها

طريقتها ...
انقعي حمص أنصاف ( نخج )في ماء حلو لمدة ليلة كاملة ..
اطبخيه بماؤه الى ان يذوب تقريباً ..
اسلقي بطاطس وجزر مكعبات صغيرة جداً جداً جداً الى ان يلينون حييييل .....
احمسي بصل وطماطم وطماطم صلصة مع لومي أسود وكركم وبهار مشكل ...
حطي عليه اللحم وصبي عليهم ماي كافي ...واتركيه لينضج ..اضيفي مشمش مجفف وقراصيا أمريكيه
اضيفي البطاطس والجزر .. خليه يطبخ شوي ..
اضيفي الحمص والملح .. واخيراً اضيفي الزبيب ...وبس

مشكوووووووور